+255 222151367/9   info@mloganzila.or.tz



Wataalamu wa watakiwa kutumia ujuzi wao kuboresha huduma za matibabu ya moyo.

Nov 11 2021

Mwenyekiti wa Kitengo cha Uratibu wa Mradi kutoka Kituo cha Umahiri wa Magonjwa ya Moyo na Mishipa ya Damu Prof.Gigeon Kwesigabo akizungumza na wataalamu walioshiriki mafunzo ya namna ya kufanya vipimo vya moyo kwa kutumia kifaa maalum kiitwacho Echocardiography yaliyohitimishwa  leo Hospitali ya Taifa Muhimbili-Mloganzila

Kaimu Naibu Mkurugenzi Mtendaji Muhimbili Mloganzila, Dkt. Julieth Magandi akizungumza na baadhi ya wataalamu walioshiriki mafunzo hayo kabla ya kupatiwa vyeti vya ushiriki.

Baadhi ya watalaamu kutoka taasisi mbalimbali za afya ndani na nje ya nchi wakimsikiliza kwa makini Prof. Kwesigabo kabla ya kuhitimisha mafunzo hayo.

Mhadhiri Mwandamizi kutoka Chuo Kikuu cha Afya na Sayansi Shirikishi Muhimbili (MUHAS) Dkt. Pilly Chillo akielezea tathmini ya mafunzo kwa kipindi chote cha mafunzo.

Prof. Kwesigabo na Dkt. Magandi wakimkabidhi vyeti mmoja washiriki wa mafunzo hayo.

Prof. Kwesigabo na Dkt. Magandi wakiwakabidhi vyeti washiriki wa mafunzo hayo.

Dkt. Magandi na waratibu wa mafunzo yaliyohitimishwa leo wakiwa katika picha ya pamoja na wahitimu mara baada ya kukabidhiwa vyeti.

Dkt. Magandi na waratibu wa mafunzo yaliyohitimishwa leo wakiwa katika picha ya pamoja na wahitimu mara baada ya kukabidhiwa vyeti.

Wataalamu wa afya kutoka ndani na nje ya nchi waliojengewa uwezo wa namna ya kufanya vipimo na kutambua magonjwa ya moyo kwa kutumia kifaa maalumu kiitwacho Echocardiography wametakiwa kuwa mabalozi wazuri na kuitangaza taaluma waliyoipata kwa kuisaidia jamii. 

Kauli hiyo imetolewa na Mwenyekiti wa Kitengo cha Uratibu wa Mradi kutoka Kituo cha Umahiri wa Magonjwa ya Moyo na Mishipa ya Damu Prof. Gigeon Kwesigabo wakati wa kuhitimisha mafunzo maalum yanayolenga kuwajengea uwezo wataalamu wa afya  namna ya kufanya vipimo vya moyo kwa kutumia kifaa maalum kiitwacho Echocardiography yaliyoratibiwa na Kituo Cha umahiri cha kufundisha na kufanya utafiti wa Magonjwa ya moyo (The East African Centre of Excellence in Cardiovascular Sciences).

Prof. Kwesigabo ameongeza kuwa wataalamu wanapaswa kutumia ujuzi huo kusaidia jamii pia amewapongeza wote walioshiriki mafunzo haya na kusema kuwa ujuzi walioupata ni mkubwa na muhimu sana hivyo wanapaswa kuitumia kama ilivyokusudiwa

“Naomba nichukue fursa hii kuwapongeza wote kwa kushiriki mafunzo haya muhimu pia nimeona muitikio ni  mkubwa sana kwa  wataalamu wa magonjwa ya moyo. Teknolijia kila siku inakua na kuongezeka hivyo huu ni mwanzo mzuri wa kuendelea kutoa mafunzo kwa wataalamu wengine zaidi”amesema Prof. Kwesigabo.

Pamoja na hayo ametoa pongezi kwa hospital ya Muhimbili-Mloganzila kwa ushirikino mzuri waliotoa kipindi chote cha mafunzo pia kwa kwa kukubali mafunzo hayo kufanyika katika hospitalini hapa.

Awali akielezea namna mafunzo yalivyoendeshwa mratibu wa mafunzo hayo, Mhadhiri Mwandamizi kutoka Chuo Kikuu cha Afya na Sayansi Shirikishi Muhimbili (MUHAS) Dkt. Pilly Chillo amesema kuwa washiriki walipata nafasi ya kujifunza kwa njia ya nadharia na vitendo jinsi ya kufanya kipimo cha Echocardiography na hivyo kujengewa uwezo wa kutambua magonjwa ya moyo huko watokako.

Pamoja na hayo ameelezea namna alivyofurahishwa na hamasa na utayari wa washiriki katika kujifunza taaluma hii muhimu na kusema kuwa ujuzi huo utawasaidia  kugundua mapema watu wenye matatizo ya moyo na kupatiwa matibabu au kuwapatia rufaa watakaohitajika kupatiwa matiababu ya kibingwa zaidi..

‘’Nimefurahishwa na namna mlivyoonesha ushirikiano katika kipindi chote cha mafunzo hivyo ni matumaini yangu kuwa ujuzi huu utaenda kusaidia katika kuboresha huduma kwa wagonjwa wanaokabiliwa na matatizo ya moyo’’amesema Dkt. Chillo

Kwa upande wake Kaimu Naibu Mkurugenzi Mtendaji Muhimbili Mloganzila, Dkt. Julieth Magandi amewataka washiriki hao kuwa mabalozi wazuri huko waendako na kuitangaza hospitali ya Mloganzila pia wasisite kuja kujifunza na kupata huduma wakati wowote watakapohiyaji kuja hospitalini hapa.

Zaidi ya watumishi 40 wamehitimu mafunzo hayo yaliyofanyika kwa ushirikiano wa Chuo Kikuu cha Afya na Sayansi Shirikishi (MUHAS ), Hospitali ya Taifa Muhimbili, na Taasisi ya Magonjwa ya Moyo ya Jakaya Kikwete(JKC) yaliyofanyika muda wa wiki nne na kutunukiwa vyeti.