+255 222215701   info@mloganzila.or.tz



Wataalam Mloganzila wajengewa uwezo wa kuhudumia wagonjwa waliofanyiwa ukatili wa kijinsia.

Apr 13 2022

Afisa Ustawi wa Jamii kutoka Hospitali ya Taifa Muhimbili –Mloganzila, Bw. Alphonce Kamanija akiwasilisha mada katika kongamano la kuwajengea uwezo wataalamu wa afya juu ya hatua mbalimbali za kuchukua ili kukabiliana na ukatili wa kijinsia.

Naibu Mkurugenzi Mtendaji wa Hospitali ya Taifa Muhimbili-Mloganzila Dkt. Julieth Mgandi akiwa na baadhi ya wataalamu waliohudhuria kongamano hilo lilifanyika hospitalini hapo.

Mkuu wa Dawati la Jinsia Kituo cha Polisi Gogoni, Inspekta. Joyce Mapunda akitoa ushauri kwa uongozi wa MNH-Mloganzila kuanzisha dawati maalum na kuweka wataalamu ambao watashughulikia wagonjwa waonaofanyiwa ukatili wa kijinsia. 

 Baadhi ya wataalamu wakifatilia kwa makini mafunzo hayo.

Ukatili wa kijinsia unaweza kukomeshwa mahala pa kazi bila kujali cheo, jinsia au ukaribu wa mtu yoyote anajihusisha na kuwatendea wengibe ukatili wa huo.

Rai hiyo imetolewa na Afisa Ustawi wa Jamii kutoka Hospitali ya Taifa Muhimbili –Mloganzila, Alphonce Kamanija wakati akiwasilisha mada kwenye  kongamano la kuwajenge uwezo wataalamu wa afya juu ya hatua mbalimbali za kuchukua kukabiliana nazo pindi wanapokutana na matukio ya kufanyiwa ukatili wa kijinsia.

Bw. Kamaninja amefafanua kuwa Ukatili wa kijinsia ni kitendo hasi chochote kinachofanywa kwa mtu wa jinsia tofauti bila ridhaa yake ambacho kinaweza kusababisha athari kwa mhusika.

“Ukatili wa kijinsia umegawanyika katika makundi matatu, ambapo kuna ukatili wa kingono, ukatili wa kisaikolojia na pia ukatili wa kimwili” ameongeza Bw. Kamaninja.

Kwa upande wake Mkuu wa Dawati la Jinsia Kituo cha Polisi Gogoni, Inspekta. Joyce Mapunda ameushauri uongozi wa MNH-Mloganzila kuwa na dawati maalum na kuliwezesha kwa kuweka wataalam wenye weledi ili kushughulukia wagonjwa waliofanyiwa ukatili wa kijinsia.

Inspekta Mapunda ameongeza kuwa dawati hilo litasaidia kutoa elimu na kumuongoza muathirika hatua katika mbalimbali za matibabu.

“Japo watu wote wanafanyiwa ukatili wa kijinsia lakini takwimu zinaonesha kuwa waathirika wakubwa wa vitendo hivi ni wanawake na watoto” amesema Ispekta Mapunda.

Inspekta Mapunda ameongeza kuwa kuna baadhi ya watu hawaendi hospitali wanapofanyiwa matendo ya ukatili kwa kuogopa gharama na wengine kuona kama watatatengwa na jamii kwa kueleza ukatili waliofanyiwa.