+255 222215701   info@mloganzila.or.tz



Waataalamu wa afya watakiwa kufanya mazoezi kuimarisha afya zao.

Mar 16 2022

Naibu Mkurugenzi Mtendaji Hospitali ya Taifa Muhimbili- Mloganzila, Dkt. Julieth Mgandi akichangia mada katika kongamano la kitaaluma la kujadili magonjwa yasiyoambukiza husani shinikizo la juu la damu.

Daktari wa Magonjwa ya ndani, Dkt. Emmanuel Mtullo akiwasilisha mada kuhusu namna sahihi ya kushauri, kupima na kutibu shinikizo la juu la damu.

Baadhi ya washiriki wakisikiliza mada katika kongamano la kitaaluma

Baadhi ya washiriki wakisikiliza mada katika kongamano la kitaaluma

Daktari Bingwa wa Magonjwa ya ndani, Dkt. Rosemary Minja akichangangia mada katika kongamano hilo.

Watoa huduma za afya wameshauri kufanya mazoezi mara kwa mara ili kuepuka magonjwa yasiyoambukiza husuasani shinikizo la juu la damu ambayo kwa kiasi kikubwa yanasababishwa na mtindo wa maisha.

Ushauri huo umetolewa na Naibu Mkurugenzi Mtendaji wa Hospitali ya Taifa Muhimbili-Mloganzila, Dkt. Julieth Magandi wakati akichangia mada katika kongamano la kitaaluma lililofanyia katika Hospitali ya Taifa Muhimbili-Mloganzila na kushirikisha wataalamu mbalimbali wa kada ya afya ikiwemo madaktari, wauguzi, wafamasia wafiziotherapia, wataalamu wa maabara na kada zingine za hospitali.

Dkt. Magandi ameongeza kuwa hapo awali kulikuwa na dhana kuwa magonjwa yasiyo ya kuambukiza yanashambulia wazee na watu wazima lakini uhalisia haupo hivyo kwani magonjwa hayo yanaweza kuwashambulia hata vijana.

“Pamoja na kubadili mtindo wa maisha tunatakiwa tufanye mazoezi ili kulinda afya zetu nawashauri tuangalie namna tunavyoweza kufanikisha mpango wa kufanya mazoezi kwa kutenga siku maalumu na uongozi utawaunga mkono katika hili” amesema Dkt. Magandi.

Kwa upande wake Daktari wa Magonjwa ya Ndani, Dkt. Emmanuel Mtullo ambaye amewasilisha mada, amesema wafanyakazi wa sekta ya afya wanapaswa kuwa na uelewa wa magonjwa yasiyoambukiza ikiwemo shinikizo la damu kwa kupima afya zao mara kwa mara.

Dkt. Mtullo ameongeza kuwa wataalamu wa afya wanapswa kufahamu namna sahihi ya kushauri, kupima na kutibu shinikizo la juu la damu kwa wagonjwa wanaofika katika maeneo ya kutolea huduma.

Kongamano hilo hufanyika kila siku ya jumatano ya wiki na kuhusisha wataalanmu mbalimbali wa hospitali kwa lengo la kukumbushana masuala ya kitaaluma na namna mbalimbali ya kuboresha huduma za afya.