+255 222215701   info@mloganzila.or.tz



Waataalamu wa maabara wasisitizwa umuhimu wa kuendelea kutoa huduma bora

Sep 15 2022

Naibu Mkurugenzi Mtendaji Hospitali ya Taifa Muhimbili-Mloganzila, Dkt. Julieth Magandi akifungua kazi cha Wataalamu wa Maabara wa Hospitali ya Mloganzila.

Wataalamu wa MNH-Mloganzila wakiwa katika kikao kazi hicho kinachofanyika Dar es salaam.

Wataalamu wa MNH-Mloganzila wakiwa katika kikao kazi hicho kinachofanyika Dar es salaam.

Mkuu wa Idara ya Maabara Dkt. Flora Ndobho akiwasilisha mada kwenye kikao kazi cha wataalamu wa maabara .

Wataalamu wa Maabara wa Hospitali ya Taifa Muhimbili-Mloganzila wametakiwa kuendelea kujituma katika utendaji kazi ili kuhakikisha wananchi wanapata huduma bora. 

Kauli hiyo imetolewa leo na Naibu Mkurugenzi Mtendaji wa MNH-Mloganzila Dkt. Julieth Magandi wakati akifungua kikao kazi cha mwaka cha wataalamu wa maabara kilicholenga kupitia na kujadili utekelezaji wa sera za maabara kinachoshirikisha wataalamu wa Mloganzila.

“Maabara yetu ni kubwa na inatambulika kimataifa, vilevile ni tegemeo la  watu wengi kwakuwa ni ya ngazi ya rufaa, hivyo tuendelee kufanya kazi kwa bidii kwani jamii inatutegemea ”amesema Dkt Magandi.

Dkt. Magandi     amewataka wataalamu hao kutumia kikao hicho kujadili mambo ambayo yataendelea kuboresha huduma Kwa wateja . Pia amewapongeza wataalamu hao kwa utendaji kazi mzuri ambao umejenga taswira njema kwa wateja wanaohudumiwa hospitalini hapa lakini pia hatua iliyowezesha maabara hiyo kutambulika kimataifa.

Katika kikao hicho cha siku mbili mada mada mbalimbali zitakadiliwa ikiwemo kupokea taarifa ya maoni ya wateja, tathmini ya ubora wa huduma zinazotolewa kwa kulinganisha na  viashiria vya ubora, kupitia makubalino ya kikao kilichopita na utendaji wa wazabuni katika kutoa huduma.

Maabara ya Hospitali ya Taifa Muhimbili-Mloganzila ilipata ithibati ya ubora wa kimataifa   kutoka Shirika la Viwango vya Ukaguzi Kimataifa kwa nchi za Kusini mwa Jangwa la Sahara yaani Southern African Development Communality Accreditation Services (SADCAS). 

Ithibati hiyo nambari ISO 15189:2012 imetokana na SADCAS kujiridhisha kuwa ubora wa vipimo na majibu yanayotolewa na Maabara ya Hospitali ya Mloganzila yamekidhi viwango vya kimataifa.