+255 222151367/9   info@mloganzila.or.tz



Wauguzi watakiwa kuzingatia utu na kufanya kazi kwa bidii

Oct 5 2021

 Kaimu Mkurugenzi Msaidizi wa Huduma za Uuguzi na Ukunga Sis.Redemtha Matindi akizungumza wakati wa mafunzo ya namna bora ya kuwahudumia wagonjwa kwa wauguzi.

 Baadhi ya wauguzi walioshiriki mafunzo ya namna bora ya kuwahudumia wagonjwa na kwa weledi na kuzingatia utu wakifatilia mafunzo hayo kwa umakini.

Mmoja watoa mada kutoka hospitali ya Mloganzila Sis. Christina Mwandalima akiwasisitiza wa wauguzi kujijali ili kuweza pia kuwajali wagonjwa wanaowahudumia.

 Afisa muuguzi Bw. Mosama John ambaye ni mmoja wa washiriki wa mafunzo hayo akichangia mada wakati wa mafunzo hayo.

Wauguzi wa Hospitali ya Muhimbili - Mloganzila wametakiwa kuzingatia weledi, uwajibikaji, utu na kufanya kazi kwa bidii katika kuwahudumia wagonjwa.

Hayo yamesemwa leo na Kaimu Mkurugenzi Msaidizi wa Huduma za Uuguzi na Ukunga wa Hospitali ya Taifa Muhimbili-Mloganzila, Sis. Redemptha Matindi wakati akizungumza na baadhi ya wauguzi walioshiriki mafunzo ya namna bora ya kuwahudumia wagonjwa yaliyofanyika katika ukumbi wa mikutano Mloganzila.

Sis. Redemtha amesema kuwa utu unaanza kwa mtu mwenyewe na endapo mtu atajijali basi pia ataweza kuwajali wengine na kuwahudumia kama inavyostahili kwakuwa wauguzi  ndio wanaokuwa na  mgonjwa kwa karibu zaidi katika kutoa huduma  hivyo kama wataonyesha  utu watamfanya mgonjwa kujisikia amani na faraja zaidi.

 “Tunatakiwa kuwatendea wagonjwa kwa namna ambayo na wao wangetamani kuhudumiwa au kuona ndugu zao wakihudumiwa na endapo tutawajali na kuwathamini huduma ya uuguzi ithaminiwa” amesema Sis. Matindi

Pia amewashauri kufanya tathmini ya huduma wanazozitoa kwa wagonjwa kama zinaridhisha na zinakidhi matarajio yao na kouna namna ya kujirekebisha na kufanya maboresho pale watakapohisi kuna changamoto ya utoaji huduma miongioni mawao.

Awali akitoa mada Afisa Muuguzi kutoka Mloganzila Sis. Christina Mwandalima amewataka wauguzi kuwaona wagonjwa kama ndugu zao na kutoa huduma kwa moyo na kutambua kuwa huduma ya uuguzi ni wito hivyo wanapaswa kujitoa kwa kadri inavyowezekana ili kujenga imani juu ya huduma wanayoitoa.

 “Huu ni wakati wa kujitafakari kwa kina juu ya namna tunavyo wahudumia wagonjwa wetu kwani endapo tukifanya hivyo tutasimama imara na kazi yetu” amesema Sis. Mwandalima.

Mafunzo hayo yamehusisha wauguzi kutoka idara mbalimbali na zaidi ya wauguzi 45 wamenufaika na mafunzo hayo.