Wataalamu wa Hospitali ya Taifa Muhimbili-Mloganzila na Hospitali ya Wilaya ya Kinondoni wamekutana kujadiliana na kubadilishana uzoefu kuhusu namna ya kuboresha huduma za afya ya mama na mtoto kwa lengo la kupunguza vifo vinavyotokana na uzazi.

Changamoto zilizobainishwa ni pamoja na mama kuchelewa kufika hospitalini, kutotambua dalili za hatari, kutofuata maelekezo ya wataalamu wa afya pamoja na changamoto za usafiri wa wagonjwa wanaohitaji matibabu ya kibingwa.

Mkuu wa Idara ya Mama na Mtoto Muhimbili-Mloganzila, Mwanaheri Chubi, amesema Mloganzila iko tayari kuendelea kushirikiana na hospitali nyingine ili kuongeza ujuzi wa watoa huduma na kuimarisha huduma za mama na mtoto. @muhimbili_taifa @wizara_afyatz @elimu_ya_afya