+255 222151367/9   info@mloganzila.or.tz



Kituo cha daladala Mloganzila chaanza kutumika rasmi

Dec 7 2020

Naibu Kaimu Mkurugenzi Mtendaji wa Hospitali ya Taifa Muhimbi-Mloganzila Dkt. Julieth Magandi wa pili (kushoto) akiwa na baadhi ya viongozi wa Manisapaa ya Ubungo na Mloganzila wakati wa ukaguzi wa kituo hicho.

Mhandisi Ujenzi wa Manispaa ya Ubungo Bw. Juma Magotto (katikati ) akiwaelekeza baadhi ya madereva mahali watakapotumia kuegesha vyombo vya usafiri kituoni hapo

Baadhi ya bajaji zilizopaki kusubiri abiria kwenye kituo cha mabasi Mloganzila.

Muonekano wa kituo cha daladala Mloganzila kilichoanza kutumika leo.

Kituo cha mabasi (Daladala) katika eneo la Mloganzila kimeanza kutumika rasmi baada ya ujenzi wake kukamilika kwa asilimia 50.
Mhandisi Ujenzi wa Manispaa ya Ubungo Bw. Juma Magotto amesema  kuanza kutumika kwa kituo hicho ni kutokana na kukamilika kwa baadhi ya huduma muhimu ikiwemo vyoo, maji na umeme na kuzingatia mahitaji ya usafiri kwa wananchi.

 “Shughuli ya ujenzi wa kituo hiki bado inaendelea kwa sasa umekamilika kwa asilimia kadhaa na ndiomaana Manispaa ya Ubungo pamoja na Menejimenti ya Hospitali ya Taifa Muhimbili-Mloganzila kwa pamoja tumekubaliana kianze kutumika leo na wamiliki wote wa vyombo vya usafiri watalazimika kupaki vyombo vyao ndani ya kituo’’amesema Bw. Magoto

“Daladala, bajaji pamoja na pikipiki yatatengewa maeneo maalumu ambayo yatatumika kupakia  abiria na kusisitiza kwamba suala la ulinzi nalo limeimarishwa ”amesema Bw. Magotto

Kwa upande wake Naibu Kaimu Mkurugenzi wa Hospitali ya Taifa Muhimbi-Mloganzila Dkt. Julieth Magandi amesema ujenzi wa kituo cha mabasi utasaidia kutatua changamoto ya usafiri kwa abiria wanaofika kupata huduma kutoka maeneo mbalimbali.

“Ujenzi wa kituo hiki utasaidia kwa kiwango kikubwa utatuzi wa changamoto ya usafiri iliyokuwepo awali na pia wananchi watapata huduma zingine ambazo awali zilikuwa hazipatikani” amesema Dkt. Magandi.